Hamdah Littafi Na 3 Complete Hausa Novel

Haka tarika binsu tana raba musu cike da shauki da jin daÉ—in da yagama baibaye zuciyar ta, har sai da ta tabbatar da kowa ya samu, kafin ta koma cikin mota tana jin su suna daÉ—a bin ta da addu'o'i mai kara mata nutsuwa da kwanciyar hankali.
daga masallacin kuwa titi-titi suka fara bi in da mabarata ke zama suma tarika mika musu sadaka. kana suka wuce asibiti, har sai da kuÉ—in da ta fito dashi yakare kafin tacewa direba su koma gida....

*(a can kasar Saudiyya cikin masarautar Saudi)*

Da sauri nafito daga cikin bathroom ina gyara gashin kaina dana wanke yazubo ya rufe min fuska har bana iya ganin hanya,
cikin hanzari na nufi gaban mirror karamar towel in dake rike a hannuna na naÉ—e shi a kaina ina tsane ruwan dake É—iga daga gashina.
kana na É—au na'urar dake busar da gashi nabusar da gashin, batare da ya bushi duka ba, nabaza shi ta baya domin iska yakarasa busar da shi.
zama ta na gyara na É—au mai nasoma shafawa a jikina.
daga cikin mirror nake hango su Ukhtee ita da su Naseem sun sata a tsakiya sai surutu suke zuba mata, suyi da hausa su gwama da larabci abun ka da kwakwalwar yaro sukam tuni suka fini ji da iya mayarwa ma.
kai na jinjina a raina nake cewa
"Kai waÉ—an nan yara da surutu suke ko surutun wa suka É—auko?."
ko É—azu dasuke ta zuwaba Mammaa surutu sai cewa tayi wai ni suka gado, niko ina nake da surutu irin haka.
idan kaji maganar su kamar wan da sukayi shekaru huÉ—u wan da ko shekara uku basu cika ba saura wata huÉ—u nan gaba.
nayi murmushi kawai tare da girgiza kai, ganin Naseem yajuya fuskarta gareshi in zayi magana Nasmah ma haka.
wai su in zasuyi magana ala dole sai mutum na kallon bakin su in bai kallaba sun rika juyo da fuskar shi kenan.
wayan Ukhtee ne yashiga kara taÉ—ago wayar tana dubawa kana ta maida duban ta gareni, daga cikin mirror'n muke kallon juna,
ganin ta mai da kallon ta kan wayar namike da sauri dan nasan ni ake kiran ganin yan da tayi zuruu tana kaloon wayar tawani langwaɓar da kai,
da sauri na isa bakin gadon, ina faÉ—in
"Bappa ko?". kai ta gyaÉ—a tare da mika min wayar, na amshi wayar na É—aga kiran tare da kara wayar a kunne.
"Assalamualaikum Bappa." daga cikin wayar Bappa yace "Ke HAMDAH me kike yi ne har yanzu baki shirya ba."
da sauri nace "Ina kan shiri Bappa yanzu nafito daga wanka ina kan shirin, ina shafa mai ne yanzu." yace "Kada fa ki tsaya wani dogon shafe-shafe kisaka kaya kawai kada jirgi ya tashi ki rasa jirgi kada ki tsaya shiririta irin na rannan."
"To Bappa yanzu zan gama".
nakashe wayar ina mai jin wani farin ciki. wan nan karon bazan yi wasa ba kamar na wata guda da ya wuce, haka nayita lalawai har jirgi yatafi a bun sa, wannan karon kam ba Bappa kaÉ—ai keson komawa ta ba ni kai na inason komawa kasata, hankali na gaba É—aya yakoma kasata yanzu.
ina so najini a cikin ta, ba naganni cikin kasata kaÉ—ai ba, ina so naganni cikin ahalina duk da nasan hakan ba abu mai sauki bane, har idan Abba bai sauka daga fushin da yake dani ba.

Mika mata wayar nayi ina kokarin juyawa, wani kiran yakuma shigowa.
murmushi nayi ganin Bappa ne yakuma kiran, da safiyar nan kiran sa na shida kenan kan nayi sauri kada jirgi yatafi.
"Hello Bappa". nafaÉ—a ina kai wayar kunne na, muryar sa na jiyo yana faÉ—in
"Kada ki É“ata lokaci dai kinji ko, kisaka kaya kawai kada ki rasa jirgi ki hanzarta."
nace "To Bappa."
na sauke wayar na mika mata da sauri na koma gaban mirror, a gaggauce nakarasa shafa mai sai pauda da man baki.
na mike da sauri na isa bakin gado in da dama nan nacire kayan da zansaka na aje na É—auka na sa, dan sai da na shirya su Naseem da Nasmah kafin na shiga wanka, shiyasa shirin yayi min sauki.
tun da Bappa yakira waya nalura da yanayin Ukhtee gaba ki É—aya yanayin ta ya sauya tayi wani ziruu da ita,
kai na kawar dan bana son muhaÉ—a ido da ita, dan yanayin nata zai iya sa jikina ya mutu.
cikin hanzari na kammala saka kayana,
ina cikin sa kayan ban kai ga gamawa ba Bappa yakuma kira.
Nan ma kuma faÉ—in nayi sauri yace, cikin hanzari na kammala saka kayan.

Na dubi Naseem da Nasmah ina faÉ—in
"Kutashi muje ko." ido
Naseem ya kura min yayin da hannayen sa biyu ke dafe da kuma tun sa kana ya ce "Mommy mataiyaci amuje?".
Nasmah ma tace "Tayan kaya amuje ko Mommy?." kai na girgiza musu nace
"Ba siyan kaya ko masallaci zamu je ba, kasar mu zamu koma can kasar mu in da aka haife mu."
ido yaran suka ware suna kallona kana Naseem yakuma cewa "Mommy kasar mu in da aka haife mu?."
yy maganar yana zura yatsarsa cikin baki alamun mamaki irin na yara.
kai na gyaÉ—a masa tare da ruko hannunsu ina faÉ—in "Kutashi muje." dan nasan idan nabi na surutun su sai mu makara anan har Bappa yakuma kira.
Ukhtee kuwa tuni idanunta suka kawo
ruwa kan kace me hawaye yafara sauka,
hannunta na rike cikin rauni tare da girgiza mata kai dan nima idanuna sun fara tara kwalla.
cikin harhaÉ—a larabci nace
"Dan Allah Ukhtee kar kisa jikina yayi san yi, baga waya ba zamurika magana ai tafiya ba mutuwa bace ai dai bamu rabu ba tun da akwai waya zamu rika gaisawa, bakin ce zaki zo kasar mu ba?."
kai ta gyaÉ—a min alamar Eh nace
"To dan Allah kada ki karya min guiwa da tafiyar kizo muje kin ga Bappa sai kira yake."
jiki a sanyaye ta mike.
koda muka fito parlour sai gani nayi babu akwatin kayan mu in da nafito da shi na ajiye É—azu bayan nagama shirya mana kayan mu.
nan Ukhtee take sanar min direba ne yashigo ya É—auka.
koda muka fita farfajiyar masarautar, a tsaye jikin mota muka tadda direba da alamu mu yake jira.
da sauri na juya na nufi side É—in su Ukhtee dan yiwa Mammaa sallama,
narika bin part-part na masarautar ina yi musu sallama duk in da na shiga sai na fito da ƙwalla dan suma da kwallar suke rako ni,haka narika bin side mafi kusa da mu ina yi musu sallama dan idan nace zanbi na nesa da mu sai na kusan sai na ɓata lokaci mai tsawo ban gama ba.
daga karshe nashiga can cikin masarautar in da lokacin da mukazo aka canza diamonds É—in nan aciki.
direct cikin katafaren parlour wan da aka kawata shi da adon zinari mai matukar É—aukar ido muka shiga, adalin shugaba na zaune a mazaunin sa na alfarma, yayin da Alkur'ani ke gaban sa yana bita cikin nutsuwa. a gaban sa muka rusuna, cikin ladabi nayi masa barka da war haka,kafin nakuma cewa wani abu ya É—aura hannunsa a kai na yana yimin fatan isa kasata lafiya, nayi mamakin yan da yasan abun da ya kawo ni dan ni a zato na bai san da tafiya ta ba. naji daÉ—in addu'o'in da yayi min kwarai da gaske, na mike cikin jin daÉ—i yayin da jikar sa wato Ukhtee ta rufamin baya, bayan itama ta gaishe shi, gaba É—aya cikin parlour'n suka shiga yimin fatar isa gida lafiya ina amsawa da amin har muka fita.
a jikin mota na tadda su Mammaa cikin matukar bege kowa sai hawaye yake har sai da suka sa hawaye na ya karu.
direba na ganin mu yayi saurin buÉ—e motar yariko hannun su Naseem yasa su cikin motar, rungume juna mukayi da Ukhtee muka saki kuka a tare, gaba ki É—aya gurin hawaye suke babu mai iya rarrashin wani,
zame jikina nayi cikin sauri nashige cikin mota, direba yatada motar.
motocin da suke jere a gaban mu guda uku sai wasu biyu a bayan mu,
motar farko mai tambarin masarautar haÉ—e da jiniya, shi ya fara fita, kafin biyu suka bi bayan sa sai kuma motar da muke ciki.
motoci biyu da suke bayan mu suma suka biyo mu, kamar dai ranar da muka shigo masarautar sai gashi yauma a haka muka fita.
muna isa airport batare da É“ata lokaci ba muka shige cikin jirgi, nan motocin suka juya.
bada jimawa ba jirgin ta É—aga...