Auren Aleena Book One Complete Hausa Novel

BISMILLAHIRRAHMANIR RAHIM

DA SUNAN ALLAH MAI RAHAMA MAI JIN KAI

Hello, Besties! ❤️

How are you all? This is my first book, and ina fatan zaku ba shi chance ku karanta AUREN ALEENA. Omar da Aleena cike suke da ƙiyayyar juna tun suna yara, amma ƙaddara ta sa dare ɗaya aka manna mata shi a matsayin miji. Haka kuma ƙaddarar ta yi wa Aleena da Emir yankan ƙauna.

Shin ƙiyayya tana iya komawa so? Akwai yaudara, ƙarya, cin amana, soyayya, da kuma manyan abubuwan da ba ku zata ba. And yes, labarina ya fara daga salon ciki dan muyi feeling yadda Aleena take matukar kin Omar. Amma chapters kadan ne zaku ga mun koma salon waje. ⚠ Warning: Labarin yana ɗauke da adult themes. Please, idan kin san ba ki da aure ko mijin ki baya nan toh kar ki karanta min littafi. 😂🤣 Thank you for your support. Ku biyoni don ganin yadda labarin Omar da Aleena zai ƙare. PLEASE SHARE SHARE SHARE 💃💃💃💃💃

💘AUREN ALEENA💘

Amal Musa ✍️

Chapter 1️⃣ Gimbiya 🌸

Kakata ta kasance tana cewa, “Dasa shinkafa zai kawo ciyawa, amma dasa ciyawa ba zai kawo shinkafa ba.” Wannan kalmar ce da take fad’a kullum, tun lokacin da nake yarinya. musamman idan wani ya tsokane ni saboda ƙiba ta. Ina da jiki a lokacin, kuma mutane da dama ba sa tausayina.

Amma akwai wata rana da bazan taɓa mantawa ba. Shekarata takwas a duniya, lokacin da rayuwa ta fara bani nauyi.

Wani yaro mai shekara goma sha biyar ya ture ni daga kan lilo har na faɗi ƙasa da karfi. Na ji ciwo a gwiwata da goshina. Jin zafi ya fi na jiki — Na ji kunya sosai.

Kuma abin mamaki, kakata maimakon ta duba lafiya ta ko ta tsawata masa, sai ta ce laifi na ne — saboda na jefa masa karamin dutse bayan ya yi min ba daidai ba.

Dutsen na buga masa a goshi har da jini. Ya zo gidan mu yana kuka yana neman kakata. Amma bayan jin yadda kakata ta yi magana da ladabi, sai ya nemi gafara da kansa.

Amma ni? Ban ji daÉ—i ba. Ko kadan. Sai naji kamar ba kowa ke min adalci ba. an watsar da ni. Babu wanda ya goya min baya. Wannan yaron ya cancanci hukunci.

Wannan yaron… Omar Thorne.

Shekaru sun ja, amma dariyarsa ta ba’a da kuma maganganu shi masu zafi har yanzu suna ta amo a raina, ya kasance yana samun farin ciki a cikin azabata wannan magananr na yawan dawowa cikin tunanina:

”’Duk mai ƙiba sukan faɗi da ƙarfi, ai nauyinsu ne ke jan su ƙasa.”

Haƙiƙa, dutsen da na jefa masa ya yi ƙanƙanta. Da na san hakan, da na jefa dutse mafi girma. Amma jin zafi da jinin da ke fita a goshina ya kashe duk ƙarfin da ke jikina.

Amma duk da haka, bayan komai, yayi ƙarfin hali ya zo gidanmu ya yi kuka game da ni. Kamar ba shi ne ya fara komai ba.

Sai kakata ta sake faɗin: “Ki zama mai kirki. Bai san kuskure ya yi ba. Yanzu zai yi tunani kafin yayi komai. Mun sa shi ya gane kurakuransa ta hanyar nuna mishi shi babba ne.”

Toh, ban damu ba. ni fa shekara takwas kawai nake da ita a lokacin! Gani mai saurin fushi, Saboda yara suna kirana mai kiba, an wulaƙanta ni, an yi mini zalunci, kuma ana tsammanin in zama mai hakuri?

A’a. Ban amince da hakan ba. Amma duk da haka, kakata bata daina raba wannan karin maganar da ni ba. A gare ta, yin alheri ko yaushe zai kawo fa’ida fiye da ayyuka marasa muhimmanci.

“Ka mai da hankali ga babban hoto,” ta ce. “Kada ka ɓata lokaci a kan abubuwan da ba su da muhimmanci.”

Ta kasance tana samun alheri a cikin komai. A zahiri.

Shekaru sun ja. Na girma da wannan magana. Kuma kota yaya, bayan lokaci, ta yi saiwa a zuciyata.

Yanzu haka, da shekara 25, na tsaya a matsayin ɗaya daga cikin mafi nasarar shugabannin kamfanoni a masana’antar kayan lantarki na Turkey, Khan Electronics, daya daga cikin kamfanonin da suka fi shahara a Turkey wajen samar da kayan lantarki. Wanda mutane suka ɗaukeni a matsayin gimbiya a idanun al’umma.

Sun sanya mini lakabi “Masoyiyar Turkey. Ma’ana Turkiyya.”

Mutane suna kirana da suna: Masoyiyar Turkey. 🌸

Wannan saboda murmushina mai daɗi, taimakon da nake yi wa al’umma, da kuma yadda nake mu’amala da kowa cikin sauƙi.

A ƙarshe na gane ainihin ma’anar kalmomin kakata.

Kakata ce ta raineni tun daga shekara shida, lokacin da iyayena suka rabu a London. Ita ce ta kawo ni Turkey, ta tsare ni daga bala’in zaman iyaye masu rigima, kuma ita ta gina ni har na zama yadda nake yau.

Ta koyar da ni kasuwanci, tun ina shekara goma sha uku.

A lokacin tana shugabar kamfanin da ita da mamana suka gina tun cikin shekarun 1970.

Na biyo sawunta har na zama cikakkiyar ‘yar kasuwa. Na karanci kasuwanci a Yale University kuma na kammala da karramawa.

A shekara ashirin da biyu, kakata ta damka min ragamar kamfanin.

Kamfanin Khan Electronics ya dade yana jagorantar kasuwa — muna samar da kayan da ke shiga cikin Television, Phones, Laptops, da sauran kayayyakin zamani.

Amma zamanin fasaha ya fara canjawa, kasashe kamar Amurka da Turai na kawo sababbin kalubale.

A cikin wannan tashin hankali na kasuwanci… sai ga shi wani abu ya dawo rayuwata.

Mutumin da na fi tsana…

Mutumin da tun yarinta nake gudu daga shi…

Mutumin da ya zama shugaban kamfanin da ya fi nawa girma…

Omar Thorne. 💼🔥

Har yanzu ina tuna yadda waɗancan ƙalubalen suka bar kakata cikin damuwa mai nauyi.

Shekaru goma da suka wuce, ta yanke hukunci mai wahala—ta yanke hulɗa da wasu kamfanoni da suka dogara da kayanmu.

Ta sadaukar da haɗin gwiwar abokan ciniki waɗanda suka zama masu buƙata da yawa, ko yaushe suna kwatanta mu da sauran kamfanoni da kuma rikitar da kasuwancinmu. Yanayin da ba zai yiwu ba ne, kuma barin su shi ne mafita ɗaya tilo.

Wannan ya kasance ɗaya daga cikin yanke shawara mafi wahala da ta taɓa yi.

Ina tuna yadda damuwa ke lullube ta, ko da yake tana ƙoƙarin ɓoye shi. Za ta dawo gida, ta sakar min murmushi yayin da nake zane a kan table na coffee na, tana ƙoƙarin nuna cewa komai lafiya.

Amma na san gaskiya. Wannan murmushin bai kai idanuwanta.

Koda bayan asarar waÉ—annan haÉ—in gwiwa, wasu manyan kamfanoni sun ci gaba da aminta da ita, wanda ya nuna jajircewarta da sunanta.

Lokacin da na karɓi kamfanin a hannunta, na fara bincika yadda ake gudanar da ayyuka, kuma ba da daɗewa ba na fara jin rashin gamsuwa da yadda abubuwa ke tafiya.

Dalili?

Takardun da na gani—rahotannin kuɗi, yarjejeniyoyin haɗin gwiwa da manyan kamfanoni guda biyar—duk sun bayyana wata matsala mai zafi.

Daga cikin biyar din, É—aya ne kawai ke kawo riba kai tsaye, kuma ma ba wata babbar riba bace.

Sauran huÉ—un kuwa?

Suna tilasta kakata shekaru da dama, suna neman lada mai yawa amma ba su kawo wani gagarumin amfani ba.

Ban fahimci dalilin da yasa ta ci gaba da hulÉ—a da su ba, musamman bayan ta yanke hulÉ—a da manyan kamfanoni mafi girma shekara goma da suka wuce.

Lokacin da na tambaye ta, ta bayyana min cewa waÉ—annan haÉ—in gwiwan sun ba da isasshen riba don ci gaba da gudanar da kamfanin. Idan muka yanke sauran, hakan zai iya kawo tangarda a harkokinmu.

Na fahimta, kuma na girmama dabararta. Amma bana goyon baya da wannan ra’ayi. A ganina, hakan ba komai bane illa cin moriyar ƙaramin abu.

Saboda haka, shekaru huɗu da suka wuce, na ɗauki mataki mai cike da jarumtaka. na gabatar da wani ra’ayi na juyin halitta da nufin sake fasalin haɗin gwiwarmu da kamfanoni biyar masu mahimmanci a hankali. Cikakkiyar niyya na shine, in sun ƙi, to mu yanke hulɗa da su gaba ɗaya.

Da nutsuwa da fahimta irin wadda kakata ta koya min, na fara tattaunawa da kamfanonin, ina mai mai da hankali wajen samun ga ribar dogon lokaci maimakon jin daÉ—in É—an gajeren lokaci.

Na basu sabbin yarjejeniyoyi da suka dace da manufar Khan Electronics, waÉ—anda suka sake tsarin hulÉ—armu da su ta yadda duka bangarorin biyu za su amfana.

Tabbas, suka bijire. Suka fara barazanar barin hulɗa, suna nuna son zuciya da ƙoƙarin ƙwace riba fiye da kima.

Ban ja da baya ba. Kasuwanci ne nan. Duniya cike take da dawaki da kyankyaso. Kuma ni ba jin tsoro nake ba don tsayawa a cikinsu.

Daga cikin biyar, huɗu sun juya baya—kamar yadda na yi hasashe.

Kwamitin gudanarwa ya fara jin tsoro. Goyon bayansu ya fara raguwa. A kasuwanci, tallafi koyaushe yana sauya yanayi, yana bunƙasa cikin nasara amma yana rugujewa a farkon alamar rashin tabbas.

Amma babban kamfani ɗaya ya zauna. Abin ban mamaki, kamfanin ne wanda, tsawon shekaru, ya kasance yana ba mu abin da ya yi kamar “yarjejeniya mai ɗan kyau.”

Thorne Comm.

Babban kamfanin waya mafi girma a Turkey. Ya taɓa kusa da yin banki-rashi sai da ɗansa ya karɓi jagoranci, wanda ya fito da sabbin nau’in T-Phone, wanda ya fi shahara fiye da duk wata waya a kasar. Wayoyinsu, waɗanda aka gina da kayan aikin Khan Electronics, sun mamaye kasuwa ba a Turkey kawai ba, har ma a duniya. Kowanne sabon salo da su ke fitarwa yana zuwa ne da ƙwarin gwiwa da farin ciki daga mutane.

Kuma CEO ɗin da ke bayan nasarar? Mutum ne mai shekara 32, ba wani bane illa mutumin da nake ƙi tun ina yarinya.Yaron nan da ya ture ni daga kan lilo lokacin da nake shekara 8, ya bar ni da rauni da jin kunya kuma ya azabtar da ni a duk lokacin ƙuruciya da muke makaranta daya.

Omar Thorne.

Karin maganar kakata game da tausayawa? Waccan maganar da ta ce “idan ka shuka shinkafa, za ta haifar da ciyawa; amma idan ka shuka ciyawa, ba za ka girbi shinkafa ba”?

Tabbas, ta yi min tasiri a rayuwa. Tayi tsiro a zuciyata. Amma fa… ba a kansa ba.

Shi ne É—aya tilo da bai cancanci wannan tausayi ba. Babu shinkafa, babu ciyawa, babu alheri. Komai daci ne kawai a tsakaninmu.

Ko da yake wani ɓangare na zuciyata na tambaya, shin kakata za ta ɗauki wannan kiyayya tamkar rauni ne? Shin idan na daina ƙyamar sa, hakan zai nuni da ƙarfi?

Amma da zarar na tuna da yadda yake murmushin raini… wannan tunanin yana shuɗewa kamar hayaƙi. Sai ƙiyayya kawai ke ragowa. Ya cancanci hakan—babu shakka.

Girman kai da isa na shi ba shi da iyaka. Wannan lilon da ya ture ni daga kai shekaru da suka wuce ya zama alamar duk abubuwan da ya kwace daga gareni—dama ta, mutuncina, da salamata.

Kuma ba don kawai ya ture ni bane a lokacin ina ƙarama—ai da hakane kadae da za a iya mantawa.

A’a.

Komai da ya biyo baya ne ya fi muni.

Tun muna yara, ya zama kamar aikin sa ne raina ni da ci min zarafi.

Mu biyu kadai ne magadan manyan kamfanonin fasaha a ƙasar—ni daga Khan Electronics, shi daga Thorne Comm. Muna zuwa makarantar ‘yan manya iri ɗaya tun daga yara har zuwa secondary.

Saboda haka, kullum sai mun haɗu, shekara zuwa shekara. Ko da yake yana da shekaru bakwai a gaba na, hakan bai hana shi kasancewa gaba da ni a komai ba—musamman cin mutunci.

A lokacin secondary, ya zama tauraron makaranta—mai cike da farin jini, iya magana, da kyan fuska da kusan kowacce ɗaliba ke mafarkin sa. Amma a idona, ba komai bane face masifa.

Ya kirani “Mai kiba” —ya ƙirani da sunaye dayawa, yana cewa na rabu da surar yara. Duk wani suna da ya kirani da ita, yana zafafa dariya da cin mutunci a cikin aji. Ya yi zaton yana ban dariya. A idona kuwa, mugunta ce tsantsa.

Duk lokacin da na yi ƙoƙarin ramawa, girman kansa da banbanci da ni yana barina cikin gajiya da haƙuri da ƙokari.

Da ya tafi jami’a a Amurka—Princeton—na samu nutsuwa a karon farko. Rayuwa ta zama salama, zuciyata ta huta.

Har ma bayan shekara uku da na biyo baya zuwa Yale, har yanzu bamu haɗu ba. Kuma gaskiya, hakan ne nake fata ya tabbata har abada. A boye dai, daya daga cikin dalilan da yasa na zabi Yale maimakon Princeton shi ne… shi.

Allah Ya kiyaye in haÉ—u da shi a karo na biyu!

Amma wannan nutsuwar ta rushe shekara huɗu da suka wuce, lokacin da na dawo daga Amurka, na karɓi ragamar Khan Electronics… sannan na gano cewa kamfanin sa yana daga cikin manyan abokan huldar mu.

Kamar dai duniya tana wasa da zuciyata ne. Kamar rayuwa tana dariya da ni.

Kuma abin yafi muni, shine har yanzu yana nan—yana cikin tsarin sauyin kamfaninmu a hannuna.

Shi da kansa ne ya yarda da sabuwar yarjejeniyar da na kawo—saboda haka hulɗar mu da Thorne Comm za ta ci gaba na tsawon shekaru bakwai.

Mambobin kwamitin gudanarwa sun yi farin ciki. T-Phone da kyau da amincewar duniya. Amma ni?

Ni fa, na ƙi hakan da rai na. Na tsane shi har cikin ƙashi na.

Shi kaÉ—ai ne dalilin da yasa bana jin daÉ—in wannan hulÉ—a.

Ban iya jure tunanin za mu rika yin taro tare—muna shirin kasuwanci tare, shekara da shekaru.

Wanda ya raina ni tun lokacin muna yara, yanzu ya zama shahararren CEO a duniya. Ana masa lakabi da “Sarkin Kyawun Turkey” shekaru biyar a jere.

An saka sunansa a matsayin lamba ta takwas a jerin mutane 100 mafi tasiri a duniya a mujallar Forbes.

Shi ne Omar Thorne.

Shugaban kamfanin Thorne Comm.

A ganina dai, da akwai wata kyauta da za a ware masa:

“Mai cike da isa, wanda ya fi kowa isasshe da raini a Turkey.”

Da za a ba da irin wannan lambar yabo… babu wanda zai iya karbe masa ita.

💘AUREN ALEENA💘

Amal Musa ✍️