Sakar Makafi Littafi Na 3 Complete Hausa Novel

Second to the last page

By
*GARKUWAR MARUBUTA**SAƘAR MAKAFI*
Page 116
Na
*Aysha Aliyu Garkuwa*

Cikin tsuƙe fuska Fariyda ke kallon Zaid dake zaune Ummi rai a ɓace tace. “Zaid meyasa kake son ɓata min raine? Kai baka da buri da ya wuce kayi ta hantar Zeenat ka haɗa da duka”. Goggo Dada dake zuba masa abincin a plate ɗinsa na da banne tace. “Me yayi mata kuma”. Lil Amin ya zubawa Zaid ido ganin ya tashi ya matso kusa da Fariyda a hankali Lil Amin ɗin yace. “Ammey kiyi haƙuri”. Da sauri tace. "Me tayi masa da zai mareta , yasan hannunsa da zafin tsiya gata can fuskarta tayi jazir yatsunsa kwance a fuskanta nace tayi maka”. Yazeed ne zama kusa da Lil Amin yace. "Ammey ce mishi tayi fine boy shine ya mareta”. Rai a ɓace tace. "Don tace maka fine boy sai ka dakar min yarinya”. Humaira da ke yiwa Zaitoon kitso a gefen Ummi ne tace. “Zeenat ma bata ji ta yaya zata cewa Zaid fine boy akan me zata kirashi da boy ai itama kanta tansan Allah ne zai barta Zaid bazai barta ba boy fa tace”. Salma dake fitowa kitchen da wermers na abincin yaran nasu ne tace. "Gskya dai koda Zaid nada laifi itama Zeenat bata jira kanta ba, yanzu Zaitoon da suke twins ma ai bata faɗa mishi haka da tasan halinsa da son girma bare Zeenat ƙanwar bayansu da suke bawa shekara uku ai ba wasaba”. Da sauri Goggo Dada yace. "Ai bama Zaitoon kawai ba duk sauran ƙannen da basa shiga sabgarsa basa rainashi ba wanda yake duka”. Cikin takaici Fariydan ta watsa masa harara ta juya ta nufi waje tana faɗin. "Wannan bin bayan da kowa keyi masa shi yake ƙara masa girman kai amman ba damuwa mu zuba ni da kai”. Da sauri yabi bayanta cikin tsawa tace. "Kada ka yadda ka kuskura kai ta bina tunda kafi karfin ka buɗi baki ka bani haƙuri”. Salim da Sulaiman da Mahmood da suke shigowa parlour daga parlour Abba ne suka iso ciki suna dariya Ummi tace. "Ya zakiyi da halittar gado ai yau kuma kin san haka zai wuni binki bazai ciba bazai shaba in ba kince kin yafe masa ba”. Ita Fariyda juyawa tayi ta fita shi kuwa Zaid na biye da ita.
Kwaffa Salim yayi yana kallon Zayyad da Zu'ayd da duk abinda akeyi kamar baza parlour kansu a haÉ—e suna buga PS sai Yasir da Yaseera dake game a wayarsu. Ayman Afif kuwa abinci suke ci. Allah yayi muku al'barka. Abba ya faÉ—a yana kallon zuriyar tasa.
A can part É—in Fariyda kuwa tana shiga ta zauna bisa 3 seatter inda Zeenat ke kwance kanta ta É—aga ta É—aura kan cinyarta tana kallon yadda fuskarta tayi jazir.
Gefenta ya zauna haÉ—e da manna kanshi kan guiwowinta da a kufule ta ture kanshi tace.
"Ka ɓace min da gani”. Madadin ya matsa baya sai ƙara matsota yake yi.
Shigowar Mahmood da Zaitoon ne yasa ta ɗago kanta. Riƙe yake da hannun Zaitoon ɗin yana kallon kanta da Humaira ta mata manyan kitse guda huɗu yace. “A Masha Allah Sweetheart kitso yayi kyau zo muje ki taya my Blood bawa Ammey haƙuri ko”. Kauda kanta tayi daga garesu taci gaba da shafa kan Zeenat da har yanzu take hawayen marin da Zaid ya yarfa mata a gidan Jidda shiyasa Huzy ya kwasosu suka dawo ba shiri dan yadda Zeenat ke lauyewa tana ihu kamar wacce cirewa ido.
Gefen Zaid ɗin Zaitoon ta durƙusa kamar yadda yayi a hankali tace. "Ammey kiyi haƙuri ki yafe mana”. A daƙile tace. "Ba ruwanki a ciki ba abinda kikayi min shi da yayi yaje shi ya sani tunda muguntace abun sonsa kuma bazai iya buɗe baki yace in yafe masa ba”. Da sauri Zeenat ta tashi zaune ganin yadda mahaifin nata ya zubawa fuskarta ido cikin tsoronsa tace.
"Appiey ba zaginshi nayi bafa Allah ba rashin kunya nayi masa ba”. Hannu ya ɗaga mata haka yasa tayi shiru. Shigowar su Zayyad da Zu'ayd ne yashi kallon Fariyda yace. "Ki yafe masa ai kin san hakan da yake yi shine bada haƙurinsa to ya zai yi haka Allah ya halicce shi, nasan tunda gari ya waye baici komai ba ki yafe masa kisa masa al'barka”. Ya ƙare maganar da ɗago Zaid ɗin ya rungumeshi. Da sauri ta miƙe ta kama hannun Zeenat ta nufi bedroom ɗinta. haka ya tada Zaitoon ma sai kumayasa hannunsa na dama ya kam hannun Zayyad na hagu kuma ya riƙo hannun Zu'ayd, Zaid da Zaitoon kuma suna gaba a haka suka biyo ta bedroom ɗin a tare suka haɗa bakin cewa. "Please Ammey kiyi haƙuri ki yafewa Hamma Zaid”. Shi kuwa Mahmoud tsuƙe fuska yayi yana shafa kan Zayyad da Zu'ayd kallon da yake matane yasa tace. "Allah ya shiryaka Zaid yayi maka al'barka”.
Cikin sanyi Zaid yace. "Thanks my Happiness Allah ya amsa”. Daga nan ya juya ya fita. Su Zaitoon da Zayyad da Zu'ayd ta kalla cikin kulawa tace. "Allah yayi muku al'barka ya rayaku bisa imani da jinƙanmu, Zaitoon je kitchen ki fara mana aiki ke da Yaseera”. Cikin sauri tace. "To Ammey”. Zayyad Zu'ayd ta nunawa saƙon dake kan bedside drawer tace. "Ku kaiwa Aunty Rashida saƙon nan kada ku daɗe ku dawo”. Tare sukace. "To Ammey”. Suna fita yabi bayansu yana faɗin
“My Angel zansha fruit”. Plate ɗin data haɗa mai fruits ta ajiye haɗe da juyawa zata fita, jin ya riƙo hannunta ya jawota jikinsa ne yasa ta kwaɓe fuska tace. "Ina da aikin yi fa”. Yana ƙara rungumota yace. "Akwai wani aikin da kike dashi da ya fi nawa ne My Angel, kiyi haƙuri ki daina fushi da Zaid raina na ɓaci in naga kina masa faɗa fa kin sani bai iya bada haƙuri ba kuma kin san ni ya gada in kina zaginsa sai inga kamar dani kike”. A hankali tace. "Ni ba da kai nake ba, ai kai kana bada haƙuri”. Cikin sanyi yace. "Iya ke kaɗai nake iya bawa haƙuri sai su Ummi da Abba kuma akanki na fara bada haƙuri shima na tabbatar gaba Nuraiha zata koya mishi bada haƙuri”. Hannunta ta fara ja tana faɗin. "Ni ba don nice uwar su duka ba sai inyi zaton yan uwanci Zaid ke nunawa Zeenat. Kai kanka ba dan nice mafi sanin cewa Zeenat jininka bace kaine ubanta kai ka bada cikinta sai inyi zaton ko ba jininka bace shiyasa baka sont”. Da sauri ya rufe mata baki da hannunsa ido ta zuwa nasa idanun da sukayi jazeir har wani sheƙin ja sukeyi murya na rawa yace. "Kada kuskura kice bana son Zainab ƴatace fa jinina tsotsona da kin ganta kinga yar uwata Aunty Amina a haka kike zaton bana sonta, kinsa yadda nakeji kuwa a duk sanda naji kukanta har raina nake jin ciwo”. A hankali tace. "To ka hana Zaid dukanta banza-banza”. Yana zuge zip ɗin rigarta yace. "Ke da zaki mari Zaid zakiga halin da Zeenat zata shiga”. Da sauri tace. "Shi yasa nake jin haushi ai, ko ɗazun fa tana kuka kuma tana cemin Ammey ki yafewa Hamma Zaid kada kiyi fushi dashi kin san bazaici abinciba in kina fushi dashi”. Kai ya jinjina yace. "To ni Zaid cemin yake Appiey ka daina yiwa Zeenat faɗa kaga tsoronka takeji. Jiya nan yake min magna kan cewa inyi hakuri in yarda in barta taje Los Angeles tayi karatun ta, nace ni ina tsoro tayi ƙarama yace min ya yarda da tarbiyarta kuma shima da Zaitoon zasu je can haɗa master's ɗinsu tunda Huxy ma acan yake aiki kuma za'a ɗaura aurensa da Zaitoon duk a gidashi zasu zauna”.