Sakar Makafi Littafi Na 1 Complete Hausa Novel

By
*GARKUWAR MARUBUTA**SAKAR MAKAFI*
Page 38
Na
*Aysha Aliyu Garkuwa*

Maida kanshi yayi ta inda take wayam ya gani dan tuni ta bar wurin sai shigarta É—aki ya hanga.
Washe gari da yamma. Lekme salon surdhara, zaune yake yana riƙe da waya, yana ɗan riƙe da hannun Zaid da ake gyarawa kai, bayan an gama masa nasa gyaran wanda akayiwa Zaid ɗin irin nasa. Cikin gamsuwa da shawar zuciyarsa yake sauraron Sa'ad dake koro mishi jawabin yanayin da yake ciki na rashin waya da Fariyda da yadda mahaifiyarsa ma ta karɓi magnar ya ɗaura da cewa.
“In ka amince min zan zo Ahmedabad ɗin Yah Mahmoud dan ina son ganinta, ina son mu fahimci juna, dan magabatana suje ga naku magabatan”. Cikin tsaida magna yace.
“Ba matsala Sa'ad zaka iya zuwa, batun magabata kuma, kada ka damu nine mai aurar da ita, batun neman izini kuma akwai Bappanmu a Gombe zan baka number ɗan uwana Sulaiman shi zai muku jagoro shi Bappa namu shine mai zantarwa dan dama ko yayana na raye shine mai yin komai dan bamu da kamarsa, ka zo kawai ku dai dai ta ba matsala”. Cikin farin ciki Sa'ad yace. “In sha Allah ranar Saturday da safe zanzo kuma zan gayawa Bappana duk yadda mukayi”. Daga nan sukayi sallama suna fita side ɗin maza ba tare da ya leƙa gefen matan ba ya wuce waje da Zaid ɗin a bakin kujerun dake wurin ya zauna yana kallon wayar Yah Amin ɗin da kiran Salim ya shigo, katse kiran yayi tare da zura wayar a aljihunsa, miƙewa yayi ya ɗan leƙa gefen matan. Dai-dai lokacin aka gamawa Fariyda gyaran kai ɗin dan da Zaitoon aka fara har kitso akayi mata. Dogon gashin da mai salon ɗin ke naɗe matashi ya ɗan kalla a fakaice kana ya janye idonsa ya kama hannun Zaitoon suka fita, suna fita ba ɗaɗewa ta fito suka wuce masauƙinsu.
A parlour ya zauna da sauke su Zaid dake kafaÉ—arsa, ba tare da ya kalli inda takeba yace.
“Ke zo nan”. Yi tayi kamar bata jisaba taci gaba da tafiyarya dan so take taje tayi wanka tsarki dan shirin yin sallan magrib, da sauri ta tsaya saboda jin yadda yayi mata magnar da wata iriyar muryar bada umurnin da dole yasata juyowa. "Zo nan”. Ya faɗa yana nuna mata wurin zama a ƙasa.
Cikin kwaɓe fuska tace.
“Gani”.
Ƙasa ya kuma nuna mata da hannunsa. Kan hannun kujera ta zauna tare da cewa. “me nene?”. Cikin daƙilelliyar murya yace.
“Ni mata ɗinki ne, ina sama kina sama, sauƙa ƙasa ko in ɓalla ƙafar”. Da sauri ta zame ƙasa dan ta lura ɓalla mutum baya masa wuya yanzu zai iya ɓallatan. Cikin Muryar girma irin wacce uba yakewa yayansa magna da ita da tsaida kalamansa cikin bada umarni yace.
“Mun gama magna da wannan yaron Sa'ad na bashi izinin fara zuwa, jebi zaizo ku dai-daita, zan datse igiyar da su Abba suka ƙulla a tsakaninmu, kin kma san bana so, ba kuma zan soba har gaban abadan tunda kin dai san na tsaneki ai ko?”.
Ya dire mgnar tare da kafeta da ido,
Itama É—in idon ta zuba mishi cikin yanayin tsiwa.
Ido cike da isa yaci gaba da cewa.
“Kin san bana sonki! na tsaneki!! Bana son ko ganinki!!! dan haka zan aura masa ke dan shi yace yana sonki”.
Miƙewa tsaye tayi har lau idanta na kanshi cikin wani irin kallon mai cike da takaici da baƙin cikin aura mata shi da iyayensu sukayi tace.
“Sai ka bari ranar da ka da Zaitoon ta girma kayi mata wannan umarni tabi, bani nan Fariyda ba ni ai nima ɗin dole aka min da kai da babu ɗaya ne”. Da sauri shima ya miƙe tsaye tare da cewa. “Ke gata zan miki fa in rufa miki asiri in aura masa ke tunda shi mayen matane”. Wani irin kallo mai cike da baƙin ciki tai masa kana tace. “Ni dama asirina a rufe yake, banyi lalacewar da kai zaka aurar da niba, ina da iyayen da suka isa dani, kuma ina da masoyan da zasu iya bada rayuwarsu a kaina”. Cikin tsuƙe fuska yace. “Shima wannan banzan ai zai iya bada ransa a kanki, ina sone muyi abun a sirri, shiyasa dan in su Abba suka sani da Baba Malam bazasu aminceba, zasuci gaba da tirsasamana zama da juna, dan haka weekend ɗin nan zai zo”. Ɗaukar su Zaid tayi ta Juyawa ta nufi bedroom ba tare da tace mai komai ba.

Wanka tayi musu bayan ta shiryasu itama ta shiga tayi wanka sabulu kana ta É—aura dana tsarki, cikin wasu tattausan riga da wandon pallazo Turkish masu masifar kyau ta shirya.
Ganin lokacin sallan magrib tayi ne yasata shimfiÉ—a sallaya.

Tana kan sallayan bayan ta idar da sallan Isha, ta ji shigowarsa bathroom ya wuce.
Bai fitoba har ta É—auki su Zaid ta wuce Dannin area É—in hotel É—in dan yin dinner.
Yana fitowa ya wuce parlour ya kimtsawa cikin wasu datatstsun suit masu masifar kyau Magenta color mai ɗan karen ƙyalli daga nan ya numfi.
Holl É—in da da ake taron nan ya wuce.

Shiru parlour alamun ya fita, numfashi mai nauyi ta sauƙe tare da shaƙar ni'imtaccen ƙamshi turarensa daya haɗe da sanyin Ac da kuma lumshin dare ya bada ni'imtacciyar isaka ta musamman mai tafe da yanayi mai sauƙaƙawa zuciya tunanin.
Ido ta zubawa yaran ganin sun hau kan 2 seatter sun kwanta.
A hankali ta zare sawunta daga cikin snicker ɗin dake sawunta. “Uhmmmm”. Ta sauƙe numfashi da zira yan sawunta cikin takalmansa dake gefenta, sunkuyo tayi da sauri ta kalli sawun nata tana ɗan tattakawa sabida jinta so Comfortable wani laushi da daɗi taji takalman sun mata, kai ta jinjina ta wucewa bedroom, rage kayan jikinta tayi ta wuce bathroom ruwa ta watsa kana ta kimtsa cikin riga da wando na bacci masu masifar taushi Pink collar rigar mai haɗe da wulace, hannunta ta ɗan zura cikin aljuhun gefe da gefen rigar.
Numfashi ta sauƙe ganin tuni su Zaid sunyi bacci, kan gadonsu ta kai su bayan ta canza musu pampers da kaya.

Ƙarfe 10:00 pm aka tashi daga taron. A hankali yake tafiya saƙale da wayarsa a kunne shiru yayi bayan ya gama yiwa Sulaiman ɗan bayanin yadda sukayi da Fariyda, ɗan kallon wayar yayi saboda jin shirun Sulaiman ɗin yayi yawa, kiran bai katseba kuma baiyi mgna ba. Shi kuwa Sulaiman cikin nitsuwa da fara yarda da gakyar mgnar a zuciyar Mahmoud ɗin dan yadda ya mishi bayani ya gamsu har cikin ransa yake son rabuwa da Fariyda.
“Wai bacci kayi ne?”. Cikin sauke numfashi Sulaiman yace. “Sai kace kai bacci in one minute, idona biyu kawai dai ina tuna ta yadda zamu warware sarkar makafin da su Abba sukayi ne”.
Yana ɗan lumshe gajiyayyun idanunsa yace. “Ai ba wani wuya, kawai kayiwa Bappanka magna, iyayen Sa'ad su zo wurinsa neman aurenta ya bawa ɗansu aurenta. Muna dawowa ta Gombe zamu sauƙa sai an ɗaura aurenta da Sa'ad sai mu taho kano tare da bappanka ya tayani yi musu bayani”. Cikin ɗaurewar Kai Sulaiman yace.
“To amman Mahmoud ya batun lfyarka da Yah Amin ya tabbatar ka warke, kai kuma yanzu kana inkari, sannan ita Fariyda tace ma bata sonka ne”.
Tsaki mai tsawo yaja tare da cewa.
“Yarinyar da akace ma, suma tayi da taji wai an ɗaura mata aure da ni, toma ko tana sona ai ni bana sonta, na tsaneta, kai batama sona bana sonta bazamu taɓa son junaba. Kuma zan saketa dan tabbatar da aurenta da Sa'ad ɗin”. A hankali Sulaiman yace.
“Naji baka sonta bata sonka, to amman ai bata yarda da tsarin karba, ko dole zakayi mata”. Cikin isa yace. “Yess ai dole in aurawa wani ita”.
Da sauri yace.
“To kai kuma wa zaka aura tunda ka warke”.
Yayi tambayar dan fahimtar gskyar lamarin dan samun yadda zai shigo da mgnar Jidda tunda ya kafe kan sakin Fariyda, hakan yasa yake jin burin Jidda zai cika dan yasan tabbas zai saketan tunda ya furta zaiyi, duk da bai faɗawa Mahmoud ɗin saƙon Jidda ba amman yana shiryawa haka, tunda yanzu dai shi ya kirasa, sai sun tsaida matsaya kan batun Fariyda zai shigar masa da batun Jidda ko zuwa gaba ne. Cikin faɗa yace.
"So nake ka gaya min ya zanyi ta yarda dan in ta yarda abin zaifi zama sirri, duk da ko taƙi Wlh sai na mata dole”.
A hankali Sulaiman ɗin yace. “Ka tausasa mata lafazi, ka nuna mata amfanin auren Sa'ad ɗin dunta itama ba sonka takeba, ka bita a hankali ka mu'amalanceta tamkar Wa da ƙanwa ka daina hantararta da nuna mata isa bare kace mata dole yaran yazu ko iyayensu ai basa musu dole bare kai. Da zaran ta yarda da Sa'ad ni kuma zan baka goyon bayan ayi komai a sirri dan bana fatan kuci gaba da zama a haka kana cutar da ita”.
Numfashi mai zafi ya fesar da cewa.
“Ta isa ita uwatace da zan lallaɓata”. Da sauri Sulaiman yace.
"Kenan dai baka shirya rabuwa da itaba, Malam in sonta kake ai matarkace kuci gaba da zama kawai”.
Ya ƙare maganar da katse kiran saboda jin wani dogon tsakin da Mahmoud ya ja masa.